Оқушылар сарайының ғылыми-техникалық шығармашылық бөлімінде «Жас математик» балалар ұйымында «Тәтті сабақ» атты ашық сабақ өтті. Сабақ барысында балалалар «Сұңқар» және «Қыран» болып екі топқа бөлінді. Балаларға логикаға байланысты түрлі мақал-мәтелдер, жұмбақтар жасырылды. Жалпы есепке алғанда «Сұңқар» тобы жеңіске жетті. Сабақ соңында балаларға қобдиша ішіне салынған тәтті сыйлар таратылды. Сабақ жоғарғы деңгейде өтті, балалардың көңіл күйлері көтеріңкі болды.
Оқушылар сарайының экология-биология бөлімінде асқабақтан жасалған бұйымдардан шығармашылық көрме өтті. Жас юннаттар асқабақтан ерекше әдемі және қызықты заттар жасап, көрмеге қойды. Көрермендер жас юннаттардың туындыларын жоғары бағалады. Көрмеге балалар ұйымдарынан асқабақтан жасалған бұйымдар ұсынылды. Көрме соңында асқабақтар Зоология бөлімінде жануарларға берілді.
Алматы қаласы, Білім басқармасы МКҚК «Оқушылар сарайы» 2019-2020 оқу жылына балет мектебіне балаларды қабылдайды.
Конкурстық іріктеу 2019 жылдың 30 қазанынан – 2019 жылдың 1 қарашасы, сағат 10.00-12.00, 16.00-18.00 дейін, 5 пен 10 жас аралығында келесі нормативтік құжаттар негізінде өткізіледі.
• «Білім туралы» Қазақстан Республикасының Заңы (19.04.2019 ж. өзгерістермен)
• «Балаларға қосымша білім беру ұйымдары түрлері бойынша үлгі ережелері», 2013 жылғы 5 шілде, 2018-де түзетілген.
• «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік көрсетілетін қызмет стандарты, 2015 жылғы 7 сәуірдегі № 170
• Алматы қаласы әкімінің 2016 жылғы 22 желтоқсандағы №4606 қаулысымен (ақылы білім беру қызметтерін мақұлдау туралы)
• Алматы қаласы «Оқушылар сарайы» МКҚК Жарғысы
Байланыс телефоны: 8 727 264 22 06, 87772612905. с 9.00.-18.00.
Оқушылар сарайында «Жас ұлан» балалар мен жасөспірімдер ұйымының Ұланбасын сайлауға арналған іріктеу болып өтті.
Алматының барлық ауданындағы Оқушылар үйлері мен белсенді мектеп оқушылары қатысқан бұл жиын біздің жастарымыздың жігерлі, көзінде от, көңілінде нұр жатқанын көрсетті.
Сонымен, сынға түсіп, бағын сынаған 6 үміткердің де бағдарламалары өте жақсы, алға қойып отырған іс-жоспарларыда көңілге қонымды болып шықты.
Құрамында «Nur Otan» партиясы Медеу аудандық филиалы төрағасының бірінші орынбасары – Шамгунов Д.К., Оқушылар сарайы директорының оқу-ісі жөніндегі орынбасары – М.А.Сегізбаева; Оқушылар сарайы көркем өнер бөлімі басшысы, ҚР еңбек сіңірген қайраткері –Б.Ж.Бектаев; Оқушылар сарайы директорының тәрбие ісі жөніндегі орынбасары – Шаяхметова А.Е., бөлім жетекшісі – Оразахунова А.Е., «Жас Ұлан» ұйымының вице-министрі А.Шаймұханова және аудандық «Жас Ұлан» ұйымының арнайы өкілдері бар әділқазылар алқасы Ұланбасы болғысы келетін үміткерлердің жұмыстарын тыңдады.
«Ұланбасы» болу бұл үлкен жауапкершілікті жүктейді. Осы жауапты істі өзіне міндет етіп алған оқушы барлық қоғамдық жұмысқа белсене араласып, ұйымдастырушылық қабілетімен де ерекшеленуі тиіс. Сонымен қатар, түрлі әлеуметік жобалар бойынша республика деңгейінде өтетін жарыстарға да белсенді түрде қатысып, Алматының атын айшықтайтын болады.
Осындай сенім биігінен көрінген, барлық байқау шартына сай қаламыздағы Қ.Сәтбаев атындағы №56 гимназияның 10-сынып оқушысы Мәлика Бақытбекова Ұланбасы деп танылды. Еліміздің үміт күтер ұландарының талай шыңды бағындыратынына сенімдіміз. Алда талай-талай асу бар. Осы асулардан Ұланбасы бастаған «жасұландықтардың» алда келетініне сенім зор.
«Табиғатты сүюді, қорғауды үйрен!» бағдарламасы аясында Туристік-өлкетану бөлімі оқушылары Көкжайлау жолындағы Алматы Кіші шатқалына серуендеу акциясын ұйымдастырды.
Іле-Алатау мемлекеттік ұлттық табиғи паркі шығыстан батысқа қарай Кіші және Үлкен Алматы шатқалының арасында, Алматы қаласынан 10 км қашықтықта орналасқан.
Тракттың абсолюттік биіктігі теңіз деңгейінен 1450-1740 м биіктікте. Бұл ең танымал жаяу жүру жолдарының бірі.
«Альпілік шалғын» – Кіші және Үлкен Алматы шатқалдарының арасында орналасқан. Аудан жабайы табиғаттың әдемі көріністерімен, тау ағындарымен, тау массивтерімен, сонымен қатар қызықты серуендермен ерекшеленеді.
Ертегілер залында «Рухани жаңғыру» бағдарламасы аясында «Менің Отаным-Қазақстан» атты Әдеби-музыкалық кеш өткізілді.
Кешке Оқушылар сарайы балалар бірлестіктерінің оқушылары қатысты. Балалар Қазақстан туралы суреттер дайындады, өлең оқыды, ән айтты, біздің көпұлтты Қазақстан мемлекетінде тұратын халықтардың мәдениеті мен салт-дәстүрлері туралы баяндамалар жасады. Қатысушылар «Менің Отаным-Қазақстан» тақырыбында слайд көріп, әртүрлі ойындарға қатысып, Оқушылар сарайының тәлімгерлері тағайындаған әсем ән-шашуды тамашалады. Біздің сүйікті Отанымыз – Қазақстанға арналған осы керемет шарадан оқушылар көптеген қызықты және мазмұнды нәрселер білді!
Оқушылар сарайының көрме залында «Шеберлер қаласы: ата-бабамыздың мұрасын сақтаймыз және дамытамыз» атты өлкетану сәндік-қолданбалы шығармашылық көрмесі өтті.
Өткізіліп отырған көрме байқаудың мақсаты айқын. Өсіп келе жатқан жас ұрпақ санасында ата-баба мұрасын жаңғырту мақсатында қолға алынып отырған бұл байқаудың берері мол.
Аталмыш көрме байқау аясында қаламыздағы О.Таңсықбаев атындағы колледждің арнайы пән оқытушылары С.Оразалиев, Л.Сатпаева, Е.Таңсықбаев, ҚР Еңбек сіңірген қайраткері, көркемөнер бөлімінің меңгерушісі Б.Бектаев, Оқушылар сарайы қосымша білім беру педагогі Р.Болатова ата-бабамыздың мұрасына айналған ұлттық өнер туралы танымдық ой-пікірлерін ортаға салды.
Жұмыстар 6 номинация бойынша бағаланды. Жеңімпаздарға 1, 2, 3 дәрежелі дипломдар мен естелік сыйлықтар табысталды.
1 дәрежелі жүлдегерлер: Ұзақ Дана, Әзкен Әди, Ниетбай Исатай Мейрамұлы, Алимов Ділмұрат Пархатұлы, Каим Жанель, Нұрлыбек Нұрай Айбекқызы.
2-дәрежелі диплом иегерлері: Уксимбай Арсен, Нурмят Асыл Айдынылы, Түрлыбекова Айжан, Ким Анель, Коспанова Диана-Омар Елдана, Серікбай Әсел.
3-дәрежелі диплом иегерлері: Бекмұратова Аныр, Жазыбай Бағжан, Айтжан Әлібек Мұхтарұлы, Талдыбек Қайнарбек- Сайлаубек Нүрсейт, Болат Алихан Қантұлы, Жанымханов Мирас.
1-дәрежелі диплом алған қатысушылар: 2019 жылы 30 қазанда Шымкент қаласында өтетін «Шеберлер қаласы: ата-бабамыздың мұрасын сақтаймыз және дамытамыз» Республикалық көрме-байқауына қатысады.
Қатысушыларымызғы сәттілік тілейміз.
Көркемөнер бөлімі «Жас пианист» балалар ұйымы жетекшісі, жоғары санатты педагог Р.У. Усербаева «Жаңадан келген пианисттермен жұмыс» тақырыбында ашық сабақ өткізді. Сабақтың мақсаты – музыкалық алфавитпен таныстыру, фортепиано үйренудің бастапқы кезеңінде пианистік дағдылардың қалыптасуы мен дамуын түсіндіру.
Алматы медициналық колледжінің спорт залында көркемгимнастикадан қалалық
турнур өтті. “Ok study” деп аталатын спорттық додаға қосымша білім
беру педагогы М. Сайфуллинаның 2 бірдей жас гимнастшы шәкірттері қатысты.
Жарыс қорытындысы бойынша Мадина Мендагалиева мен Кулсабыр Ажар
1-орын алды.
“Фаворит” шахмат академиясында шахматтан қалалық
турнир өтті. Жарысқа қатысушылар шахматтан біліктілігін көрсетуге күш салды.
Бірінші айналымға В.Я. Кулакованың 3 оқушысы қатысты. Жарыстың бірінші күні
Штод Даниель 3-орын алып, 3 разряд иегері атанды.
В первый день турнира Штод Даниель занял 3 место и получил 3 разряд. Молодцы, ребята! Так держать!
