Day: Желтоқсан 5, 2019

Бүгін Оқушылар сарайының «Ертегілер залында» Қазан қаласы “Оперение” шығармашылық дамыту студиясының педагог-режиссері К.А. Карпеев «Қуыршақ театрының тарихы және дамуы» тақырыбында мастер-класс өткізді. Студия көмекшілері Салин И., Ишукова А., Зашидулин И.

Үлкен концерт залында “Оперение” шығармашылық дамыту студиясының жас өнерпаздары моноспектакль “Сказка о Попе и его работнике Балде”, сондай-ақ “До свидания, Овраг” спектакльін көрсетті. Көрермендер, Алматы қаласының мектеп оқушылары драматургияның қырларын үлкен қызығушылықпен көріп, спектакльден ​ ұмытылмас әсер алды.​
​

4 желтоқсан күні Оқушылар сарайының Салтанат залында Татарстан Республикасы Қазан қаласынан тәжірибе алмасу бойынша жұмыс сапарымен келген “Оперение” шығармашылық дамыту студиясымен баспасөз конференциясы өтті.  “Оперение” шығармашылық дамыту студиясының негізін қалаушы Ресейдің халық әртісі Константин Хабенский.   

Баспасөз конференциясында “Оперение” студиясының директоры Н. Л. Отлетаева және қоюшы режиссер К. А. Карпеев сөз сөйледі.

Алматы қаласы білім басқармасының адамгершілік-рухани тәрбие және өзін-өзі тану бөлімінің басшысы Н. Т. Тау және С. С. Галиева-“Иділ” татар-башқұрт қоғамдық-мәдени орталығының өкілі, С. Ж. Аралбаев – Медеу ауданы әкімі аппаратының мәдениет және тілдерді дамыту бөлімінің басшысы, О. А. Шәріпов -“Nur Otan” партиясы Медеу аудандық филиалы төрағасының бірінші орынбасары Оқушылар сарайының ұжымына тәжірибе алмасу жұмысында табыс тіледі.

Оқушылар сарайының білім алушылары қонақтарды қызықты концерттік бағдарламамен қарсы алды. Баспасөз конференциясының соңында қонақтарға естелік кәдесыйлар сыйға тартылды.