2020 жылдың 21 ақпан күні экология –биологиялық бөлімшесінде “Химия әлемінде” атты дөңгелек үстел өтті. Бұл балалардың қызықты тәжірибелерге тікелей қатысуымен өткен нағыз химиялық шоу болды. Қатысушылар командаға бөлініп, педагогтардың басшылығымен әртүрлі керемет тәжірибе жасады. “Сиқырлы шам”, “піл үшін тіс пастасы”, “бағдаршам” сияқты жұмбақтар қойып, оның шешімін тапты. Оған №120, №50, №67 мектептері және №9 мектеп-интернатының балалары қатысты.
Жас әртістер көрермендерге экология тақырыбында миниатюралар ұсынды. Барлық миниатюралар табиғатты қорғауға арналды. Дәл осындай экологиялық миниатюралар балаларға табиғатты көбірек түсінуге, оны сүюге және қорғауға дағдылануға көмектеседі. Әр түрлі сюжеттер ұсынылды. Ең үздік спектакльдерді марапаттау 2020 жылдың 26 ақпан күні сағат 15.00-де Экология-биологиялық бөлімшесінде (Орбита ы/а, Щепкин к, 27) өтеді.
2020 жылдың 22 ақпан күні Республикалық “Сырым бар жүрегімде” атты ән байқауында Оқушылар сарайының жас таланттары, “Шабыт” эстрада ән вокалының шәкірттері өнер көрсетіп, жүлделі орындар иеленді. Атап айтсақ:
1. Майдан Аймауыт- 1 орын.
2. Тұрдалы Дастан 1- орын.
3. Болат Балым 1- орын
4. Бекмырза Іңкәр 1- орын.
5. Мұқанғали Сұлтан 2- орын
6. Бостан Нұрболат 2 – орын.
7. Мұратхан Аман 3- орынды иеленді.
8. Абдибекова Айнель үздік бас жүлде иегері болды.
Жеңімпаздарымызды жеңістерімен құттықтай отырып, биік белестерді бағындыруларына тілектеспіз.
2020 жылдың 23 ақпан күні Алматы қаласы Оқушылар сарайының Туристік-өлкетану бөлімінде “Қанатты досқа көмектесейік!” атты мәдени-экологиялық акция өтті. Акция барысында “Медеу” стансасының аумағына құстарға ұя жасау және іліп қою практикалық іс-шаралары жүргізілді. Осы акцияның негізгі мақсаты: оқушыларға құстар туралы білімдерін кеңейту және тереңдету, құстарды қорғау, заманауи орнитологияға қол жеткізуді насихаттау (құстардың ғылым үшін маңызы, адамзат үшін құндылығы), табиғатпен үйлесімділікте өмір сүруге дайындығын дамыту, табиғатты қорғауға және қалпына келтіруге қатысты белсенді ұстанымды қалыптастыру.
Көркемөнер бөлімінің қосымша білім беру педагогы А.Ш. Когут шәкірттерімен 8 наурыз Халықаралық әйелдер күні мерекесіне дайындық өткізуде.
Ағымдағы жылдың 21 ақпаны күні Оқушылар сарайы музыка мектебінің педагогы Ван Максим Лицзеевич “Музыкадағы үннің туыстық дәрежесі” тақырыбында 4 сыныпқа ашық сабақ өтті”.
Көркемөнер бөлімінің қосымша білім беру педагогы, жас маман Болат Айдана 2020 жылдың 21 ақпан күні «Натюрморт» жанрында картиналар салу тақырыбында сабақ өткізді. Сабақтың мақсаты: бейнелеу өнері жанры – натюрмортпен оқушыларды таныстыру. Натюрморттарды тамашалау аса бір әсерлі сәт. Натюрморт салуды суретші оны құрастырудан бастайды. Ол әртүрлі заттарды таңдап салыстырып, солардың ішінде түр және мазмұны жағынан бір-біріне сәйкес заттарды іріктеп алады. Содан кейін суретші натюрморттың композициясын құруға кіріседі. Заттардың орнын қайта-қайта ауыстырып, ең ұтымды нұсқасын іздей отырып, суретші аса тартымды компазицияға қол жеткізеді.
Сабақтың мақсаты: балаларды сәндік-қолданбалы өнерге баулу. “Квиллинг” техникасымен таныстыру.
Сабақтың міндеті: сәндік-қолданбалы өнердің жаңа түрі – квиллинг туралы түсініктерді қалыптастыруға ықпал ету, оқушыларды квиллинг орындау техникасымен таныстыру, қиялын, көрнекі-бейнелі ойлау, әр баланың шығармашылық мүмкіндіктерін дамыту, пәнге деген қызығушылығын, қағазбен жұмыс істеу дағдысын, қолдың моторикасын дамыту.
Бүгін «Құдіретті жырдың құндағында» атты Мұқағали Мақатаевтың өлеңдеріне жазылған әндер мен ақынның өлеңдерін оқудан Республикалық ән және көркемсөз оқулары байқауы өтті. Байқауға үміткерлер бес жанр бойынша қатысты. Олар: эстрадалық вокал, вокалды топтар, дәстүрлі ән, көркем сөз, театрландырылған қойылым (поэмаларынан көріністер). Жеңімпаздар марапат қағаздарымен, жетекшілері алғыс хаттармен марапатталды.
Еуразия заң академиясының бокс залында бокстан кіші жасөспірімдер арасында Алматы қаласының Чемпионаты өтті. Чемпионатқа Оқушылар сарайы «бокс» секциясының тренері Н.З. Мухамбеткалиевтің шәкірті Серік Досжан қатысып, 3 орынға ие болды. Досжан, жеңісің құтты болсын!