Month: Қараша 2019

Бастауыш сыныптары арасында театр ұжымдарының “Ертегілер елінде қонақта” атты эко-миниатюралар қалалық конкурсы өтті. Сайысқа 18 мектептің  театр ұжымдары қатысты. Экологиялық тақырыпта спектакльдер ұсынылды. Спектакльдерді кәсіби қазылар алқасы Ермашов әуесқой театрінің режиссері мен әртістері бағалады. Жеңімпаздарды марапаттау 6 желтоқсанда сағат 15.00-де өтеді.

2019 жылғы 29 қараша күні Алматы қаласы Оқушылар сарайының  Салтанат залында Алматы қаласының үздік мектеп оқушыларын «Жас Ұлан» және «Жас- Қыран» қатарына  қабылдау рәсімі өтті.«Жас Ұлан» бірыңғай жастар ұйымы жас ұрпақты жоғары рухани-адамгершілік құндылықтарға, гуманизм, толеранттылық, отанға деген сүйіспеншілік пен адалдық қағидалары негізінде қазақстандық патриотизм рухында қалыптастырады.

 «Жас Қыран» және «Жас Ұлан» республикалық балалар мен жасөспірімдер ұйымдарының қатарына әрдайым жаңа мүшелер қабылданып отырады.«Жас Ұлан» және «Жас Қыран» ұйымы болашақ ұлт элитасын, жаңа формациядағы жас қазақстандықтарды қалыптастыруға бағытталған.

Оқушылар сарайының классикалық музыка бөлімінде А. С. Пушкиннің 220 жылдығына арналған вокалдық музыка кеші өтті.

2019 жылдың 23-24 караша күндері  «Нұрлы жастар-өнер орталығы» қоғамдық қорының ұйымдастыруымен өткізілген «Нұрлы жастар – Болашаққа жол бастар!” атты Республикалық ән-би байқауында «Шабыт» эстрада ән вокалының оқушылары қатысып жүлделі орындарға ие болды. Атап айтсақ:  

2 – орын иегерлері: Рахат Інжумаржан, Болат Балым, Аблаким Аяулым;
1 – орын иегерлері: Садвакасова Алтынай, Сырымова Сымбат, Жаирбекова Аружан, Бостан Нұрболат, Майдан Аймауыт, Сырымова Ұлжан.
Бас жүлде иегерлері: Тұрдалы Дастан, Абдилбекова Амина.

Жетекшісі: Сейтимова Сая Махамбетқызы – Үздік ұстаз куәлігімен және медальмен, алғыс хатпен марапатталды қосымша 10,000 теңге ақшалай сыйлық алды. 

Дүниежүзілік темекі шегу және нашақорлықпен күрес күніне арналған “Алматы есірткісіз және темекі түтінісіз” атты мектеп оқушыларының қалалық флэшмобы.

Флешмоб 2019 жылдың 24 қараша күні “Медеу” станциясы Кіші Алматы шатқалында өтті. Флешмобтың ұраны “Салауатты өмір салты үшін оптимизммен тату, батыл!”. Негізгі мақсат-темекі шегудің және есірткінің зияны туралы білімді кеңейту, оқушылардың өз денсаулығына жауапкершілігін, темекі шегуге және есірткіге деген теріс көзқарасты тәрбиелеу, темекі шегудің және нашақорлықтың зияны туралы нақты түсінікті қалыптастыру.

Іс-шараға Алматы қаласының 8 мектебінен 62 оқушы қатысты.

Балалар флешмобқа шындап дайындалды, әр топ өзінің көрнекі плакатымен шықты.

Бүгін, Қазақстан Республикасының Тұңғыш Президенті күніне арналған онкүндік аясында Оқушылар сарайының көрме залында спорт бөлімінің білім алушылары экскурсияға барды.  Экскурсияны Оқушылар сарайының Қамқоршылық кеңесінің мүшесі, ҚР Тұңғыш Президенті Мұрағатының құжаттарды пайдалануды ұйымдастыру басқармасын қызметкері –Қасенов бөлеген Әбікенұлы өткізді. Балалар Тұңғыш Президент туралы, оның Қазақстан Республикасының дамуы мен қалыптасуындағы рөлі туралы қызықты ақпарат алды.

Оқушылар сарайының экология-биология бөлімшесінде зерттеу жұмыстары конференциясын өткізді, онда бастауыш сынып оқушыларының зерттеу жұмыстары ұсынылды. Қазылар алқасына 8 – зерттеу жұмыстарын, 5 – реферативтік жұмыстарды, 3–жобалық жұмыстарды ұсынды. Балалардың сөз сөйлеулері сенімді, батыл болды.

Байқау жеңімпаздары 2019 жылдың 6 желтоқсанда жарияланады.

Тұңғыш Президент күніне орай өткізілген онкүндікте «Ағылшын тілі» балалар ұйымы жетекшісі А.Е. Бекпейсова Қазақстанның Тұңғыш Президенті – Н.Ә. Назарбаев туралы «Мәңгілік Ел» ақпараттық мұражайына оқушылармен экскурсия жасады.  Экскурсия барысында педагог Тарихи публицистика жанрында жазылған, қазақ және орыс тілдерінде басылған Елбасы кітабының құжаттар көрмесімен таныстырды.

Бүгін экологиялық-биологиялық бөлімде бастауыш сынып оқушыларының зерттеу жұмыстарының қазақ тіліндегі конференциясы өтті. Зерттеу жұмыстары -11, реферативтік жұмыстар – 12 данасы қаралды. Барлық балалар жұмыстарын өте батыл қорғады. Бұл олардың өміріндегі алғашқы ғылыми баяндамалары. Байқау жеңімпаздары 2019 жылдың 6 желтоқсанда жарияланады. Ертең орыс тілінде зерттеу жұмыстары байқауы өтеді.