Сарайымызға БАҚ өкілдері қонақ болды. Шолпан Аманкелдінің «Venus-SAT.kz» наноспутнигінің жобасы журналистер назарына ұсынылып, обсерваторияға экскурсия жасалды. 2024 жылдың наурыз айында 20 жылға жуық үзілістен кейін Алматыдағы Оқушылар сарайында обсерватория өз жұмысын бастады! Жаңа, жоғары технологиялық обсерваторияда зерттеушілер мен астрономия әуесқойларына ғарыш құпияларын теңдесі жоқ дәлдікпен және егжей-тегжейлі зерттеуге мүмкіндік беретін төрт заманауи телескоптармен жабдықталған.
Осы телескоптардың үшеуі – Unistellar, Sky-Watcher Dob 14″, DISON 350F/3 – жұлдыздардың, планеталардың және галактикалардың анық және жарқын кескіндерін қамтамасыз ететін түнгі бақылауларға арналған. Төртінші, Coronado хромосфералық телескопы, күндізгі уақытта Күнді бақылау үшін арнайы әзірленген, күн белсенділігі мен оның Жерге тигізетін әсерін зерттеуге бірегей мүмкіндіктер береді.
