Author: Арман

2019 жылдың 28 желтоқсан күні өтетін Жаңа жылдық шырша 2020 жылдың 3 қаңтар күніне ауыстырылады.

Бүгін Оқушылар сарайында Медеу және Наурызбай аудандарының балалары шыршаға келді. Балалар әр түрлі жаста болғанына қарамастан, барлығына қызықты болды. Спектакльде балалар кейіпкерлермен диалогқа қуана қатысып, олармен бірге Эльза ханшайымды сиқырлап алды.  Олар теріс кейіпкерлерді әшкерелеп, Аяз ата мен Ақшақардың күміс арбасының келгеніне қуанды. Шыршаға арналған мерекелік сценарий өте ерекше болды. Балалар  ойнады да, биледі де, шыршаны айналып барлық іс-шараға қатысты. Мереке соңында фойеде Аяз Атамен фото-сессия өтті.

Оқушылар сарайында балаларға арналған жаңа жылдық қойылымдар жалғасуда. Бұл қойылымның сиқырлы әрекетін бір рет бастан кешкен әрбір адамға өмір бойы ұмытылмас әсер қалдырады, өйткені өз ісінің шеберлері балалардың қиялын және көңіл-күйін көтеруді біледі. Ертегі кейіпкерлері балаларды фойеден бастап көңілді қарсы алып, жаңа жылдық ойындарға, конкурстар мен мастер класстарға қатыстыра отырып, ешкімнің назардан тыс қалмауын қадағалайды. Әрбір баланың ыңғайлылығы мен қауіпсіздігі ұсақ-түйекке дейін ұйымдастырушылармен ойластырылған және пысықталған. Ал мерекелік іс-шараның безендірілуі ең талғампаз халықты таң қалдырады. Иә, не айтуға болады… көп рет естігеннен, оқығаннан бір рет көрген жақсы!

Бүгін, 25 желтоқсан Оқушылар сарайына, жаңа жылдық мерекеге Алматы қаласы Медеу ауданы әкімі аппаратының шақыруымен ауданның көпбалалы отбасы балалары шақырылды.​ Балалар қойылымға әдемі киініп, көтеріңкі көңілмен келді. Олардың  үміті  ақталды. Санта Клаустар мен көңілді актерлар кіре берістен қарсы алды. Жаңа  жылдық  қойылымға  қатысып жатқан Оқушылар сарайының актерлік  шеберлік  бөлімі мен “Арай” жоғарысыныптар клубының білім алушылары өздерін жақсы әртіс ретінде көрсетіп, ұйымшылдықпен мерекені қыздыра түсті. Қойылым  басталғаннан  бастап  сүйікті  кейіпкерлер  балаларды  ертегілердің  ғажайып  әлеміне  қызықтырды. Балалар  көріністі беріле қарап, жағымды  кейіпкерлерге  көмектесуге  тырысты. Шыршаны мульфильмдегі сүйікті кейіпкерлерімен бірге айналып, ойындарға  белсене  қатысты. Мерекелік іс-шараның соңында балалар  Медеу ауданы әкімі  аппаратының дайындаған  жаңа жылдық сыйлықтарын алды.

Балалар үшін әр Жаңа жыл – бұл сиқырлы ертегі. Армандар орындалып, әр түрлі ғажайыптар орын алған уақыт. Оқушылар сарайының педагогтары балалардың осы көңіл-күйін қолдауға тырысады, сондықтан биылғы жылы өткізілетін жаңа жылдық мерекелер қызықты тосын сыйға, бірегей театрландырылған қойылымға толы, экранда мультфильм кадрлары жүріп, оның кейіпкерлері сахнамен өмір сүреді және залда балалармен қарым-қатынас жасайды. Кішкентай көрермендер ертегі кейіпкерлерімен бірге зұлымдық пен әділетсіздікті бірге жеңіп, жақсылық салтанатына бөленеді. Қойылым аяқталғаннан кейін балалар ертегі мен мультфильмдердегі сүйікті кейіпкерлерімен бірге Салатанат залында шыршаны айналып, Оқушылар сарайының өнерпаздары ұсынған ән – биін тамашалады.

Кеше жаңа жылдық шыршаға Білім және ғылым қызметкерлері қалалық кәсіподақ ұйымдарының шақыртуымен қаланың мектептері мен колледж, балабақша қызметкерлерінің балалары қатысты.  Көңіл – күйлеріңіз көтеріңкі, мерекелеріңіз жақсы өтсін!

Ең сүйікті, қуаныш әкелетін мерекелерінің бірі. Бала үшін – бұл жаңа жылды күтудің маңызды бөлігі, көптен күткен және өте жауапты іс-шара. 

Бүгін 2019 жылдың 23 желтоқсанында Оқушылар сарайы Алматы қаласының балаларына арналған жаңа жылдық мерекелерді өткізу басталып кетті. Күн сайын 30 желтоқсанға дейін балалар мен жасөспірімдерді “Эльза ханшайым мен Моананың таңғажайып оқиғалары” атты тосын сыймен қуантады.Балаларға арналған  карнавалдық дискотекамен хоровод, ертегі кейіпкерлері ойындарымен және көңілді әзілдерімен қуантады.

2019 жылы 19 желтоқсанда Оқушылар сарайы  балалар  бірлестігін үйлестіру бөлімінің “Арай”  жоғары сыныптар клубы  білім алушылары Алматы қаласы “SPECIAL OLYMPICS” филиалымен меморандумға сәйкес, күннің бірінші жартысында “КИМЭП” залында ерекше білім беру қажеттілігі бар балаларға арналған екі қайырымдылық жаңа жылдық ойын бағдарламасын өткізді. Мерекеге 303 бала қатысты. Аяз ата мен Ақшақар, тышқан және басқа да ертегі кейіпкерлері хоровод жүргізді, ән айтып, балалармен көңілді ойындар өткізді. Ал түстен кейін “Арай” жоғары сыныптар клубының білім алушылары Республикалық онкология және радиология ғылыми зерттеу институтында  Балалар бөлімінде емделіп жатқан 25 балаға осындай бағдарламаны өткізді. Аяз Ата  және ертегі кейіпкерлерімен кездесу балаларға қуаныш әкелді.

Оқушылар Сарайының үлкен спорт залында Қазақстан Республикасының тәуелсіздік күніне арналған Қазақ күресінен турнир өтті. Жарысқа еліміздің болашақ чемпиондары, қаланың барлық аудандарынан келген балалар қатысты.  Турнирге Оқушылар сарайы атынан педагог М. С. Мырзалиевтің шәкірттері қатысып, жүлделі орындарға ие болды: Нусипов Мади – 1 орын, Амиржанов Бижан – 2 орын, Джаксылыков Дулат – 2 орын, Быков Иван “Показательные выступления” шоуының қатысушысы болды.

“Өз қалаңды білесің бе?” қалалық өлкетану олимпиадасы “Ұлы Абай” қазақ ақыны, ағартушысы Абай Құнанбаевтың туғанына 175 жыл тақырыбына арналған.

Туристік-өлкетану бөлімшесі 2019 жылдың 14 желтоқсанында Алматы қаласында “Өз  қалаңды білесің бе?” атты қазақ ақыны, ағартушы Абай Құнанбаевтың туғанына 175 жыл толуы тақырыбына арналған Алматы қаласы мектеп оқушылары арасында Олимпиада өткізді. Олимпиаданың мақсаты мен міндеттері: Оқушылардың Абай өмірі мен шығармашылығы туралы білімдерін кеңейту. Абай шығармаларының өскелең ұрпаққа маңызын көрсету. Оқушылардың рухани-адамгершілік тәрбиесіндегі өлкетану мен туризмнің рөлін арттыру, олардың бойындағы патриоттық және азаматтық жауапкершілігін арттыру; шығармашылық қызметке қабілеті бар дарынды балаларды анықтау және қолдау; балаларды туған өлкенің тарихи, мәдени және рухани мұрасымен таныстыру;

Әр кезең бойынша жүлделі орындар анықталды. Командалар жоғары білім, эрудиция, өз сауаттылықтарын көрсетті.

Жүлделі орындарға ие болған мектеп командалары:

1 кезең. “Жас зерттеуші”іздеу-зерттеу жұмысы.

1-орын № 157 мектеп, Наурызбай ауданы

2-орын № 192 мектеп, Наурызбай ауданы

3-орын № 58 мектеп, Алмалы ауданы

2 кезең. Конкурс білгірлері.

1-орын №17 мектеп,Түрксіб ауданы

2-орын № 29 мектеп, Медеу ауданы

3-орын № 58 мектеп, Алмалы ауданы

3 кезең. Экскурсоводтар сайысы.

1-орын №58 мектеп, Алмалы ауданы

2-орын №17 мектеп,Түрксіб ауданы

3-орын № 157 мектеп, Наурызбай ауданы

4 кезең. Капитандар сайысы.

1-орын №17 мектеп,Түрксіб ауданы

1-орын № 157 мектеп, Наурызбай ауданы

2-орын № 59 мектеп, Түрксіб ауданы

Жеңімпаздар грамоталармен марапатталды.

Бүгін «Оқушылар сарайы» БПҰ мүшесі М.С. Сегизбаева Тәуелсіз еліміздің білім мен ғылым саласына және ұрпақ тәрбиесіне қосқан үлестерін бағалай отырып, «Nur Otan»  партиясы Медеу аудандық филиалының төрағасы С. Макежановтың арнайы жолдаған алғыс хаттарымен бірқатар қызметкерлерді марапаттады. Сонымен қатар кәсіподақ тарапынан гүл және ақшалай сыйақы табысталды.