Оқушылар сарайының Эколого-биологиялық бөлімінде «Жасыл дәріхана» атты сабақ өтті.
Аталмыш сабақтың мақсаты: оқушылардың салауатты өмір салты жөніндегі ұғымын кеңейту, денсаулық – адам бақытының бірінші байлығы екенін, сонымен қатар табиғат арқылы әркім өз денсаулығының корғаушысы екенін түсіндіру.
Эколого-биологиялық бөлімінің жас зерттеушілері өз қолдарымен өсімдіктер мен көкөністерден түрліше денсаулыққа пайдалы шөп дәрілер мен шайларды дайындады.
Еліміздің болашақта білікті зерттеуші атанар оқушыларымызға тек сәттілік тілейміз!
Оқушылар сарайының Көркем киіз студиясының ұстаздары өз шәкірттеріне халқымыздың асыл мұрасы – киізден әртүрлі бұйымдарды жасауды үйретуде.
Олар киізден жасалған түрлі қолөнер бұйымдарын жасап, заманауи үлгіге сай нақыштайды. Жас шеберлер бүгінгі дәуірімізге сай жаңа тақырыпта көздің жауын алар тамаша туындылар жасап, өз көрмелерін де жас көрермендерге ұсынды.
Егер сіз киіздің сан қилы қасиеттері мен жүннен киіз басудың жолдары туралы іздеп жүрсеңіз, онда біздің көркем киіз студиясындағы сабақтар дәл сізге арналған!
Оқушылар Сарайының «Шабыт» эстрадалық вокалы балалар бірлестігінің оқушылары мен жетекшісі Дубай қаласына 100 % жолдама ұтып алды.
2023 жылдың 19-қарашасында Алматы қаласында «IQ STAR 2023» республикалық көп жанрлық өнер фестивалі-байқауы өткен болатын. Үздіктер өнер көрсеткен ауқымды байқауда Нұржан Альфия, Рахат Інжумаржан, Майдан Аймауыт бас жүлде иегерлері атанса, оқушыларымыздың жетекшісі Сая Махамбетқызы «Ең үздік жетекші» номинациясымен Дубай қаласына 100 % жеңілдікпен жолдама ұтып алды.
Оқушыларымыз бен ұстазымызды жеңістерімен шын жүректен құттықтай отыра, шығармашылық табыс тілейміз!
Алматы қаласы Оқушылар Сарайының Эколого-Биологиялық бөлімінде жас зерттеушілерге «Тропикалық өсімдіктермен танысу» атты сабақ өтті.
Оқушыларымыз бүгінгі сабақ барысында қоршаған ортаны қорғауды, табиғатты аялап, оның әр жаратылысын, оның ішінде өсімдіктерді үнемі баптап, күтіп ұстаудың маңызын түсінді. Сондай-ақ, бүгінгі қызыққа толы сабақта оқушылар жылыжайға барып, өсімдіктерді тамашалады.
Эколого-биологиялық бөлімде балалар әр сабақ сайын түрлі өсімдік түрлерімен және олардың систематикаларымен танысады.
Оқушылар сарайының «Балдәурен» домбырашылар үйірмесінің дарындылары республикалық «Мен де жұлдыз боламын» балалар байқауына қатысып, халықаралық фестивальге жолдама алды.
Көрерменнің ерекше қошеметіне иеленген Талғат Әмір 1-орын, Талғат Қарақат 2-орын, Абдиев Зұлхар 3-орын иеленіп, Түркияда өтетін халықаралық конкурсқа 100% тегін жолдама ұтып алды.
Жас домбырашылармызды және ұстазы Қажығали Төрехан Оразұлын жеңістерімен шын жүректен құттықтаймыз! Еліміздің атын әлемге танытар жұлдыз болыңдар!
Оқушылар сарайының пікірсайысшылары «Ұлы Жібек жолындағы ділмарлар» атты республикалық пікірсайыс турнирінде жүлделі орындарға ие болды.
Естеріңізге салсақ, біздің пікірсайысшылар 10-қараша күні Талдықорған қаласына республикалық турнирге жол тартқан болатын. Тартысты турнирде ағылшын лигасынан «Алтын Орда» командасы Касен Жания Галимжанқызы мен Ким Алина Руслановна 1ші орын, қазақ лигасынан «Тәуелсіздік үшін» командасы Окан Асыл Бакытқызы мен Бақытбек Ақбота Қуанышқызы 3ші орынды иеленсе, Лепехина Арина «Ең үздік спикер» номинациясынан ие болды.
Пікірсайыс шеберлерін жеңісімен шын жүректен құттықтаймыз! Сіздерге стратегиялық сенімділік және шеберліктің тұрақты өсуін тілейміз. Әрбір турнир сіздерге жаңа тәжірибелер мен жарқын жеңістер әкелсін!
Алматы қаласы Оқушылар сарайының пікірсайысшылары Талдықорған қаласында болатын кезекті турнирге жол тартты.
Біздің пікірсайысшыларымыз турнирде жоғары дайындық деңгейін және пікірсайыстағы кәсібилікті көрсететініне сенімдіміз. Сіздердің әрбір дәлелдеріңіз сенімді және әрбір жауаптарыңыз дәл болсын. Турнирге сәттілік, сіздер нағыз пікірталас шеберлерісіз!
Оқушылар сарайының «Шабыт» эстрадалық вокалы балалар бірлестігінің және «Балдәурен» домбырашылар үйірмесінің дарындылары республикалық «Мен де жұлдыз боламын» балалар байқауына қатысып, халықаралық фестивальге жолдама алды.
«Мен де жұлдыз боламын» – балалардың эстетикалық талғамын арттыру мен өлкеміздің болашақ жас жұлдыздарын жарыққа шығарып, сахна мәдениетін меңгерте отыра, шеберлігін арттыруға мүмкіндік беретін республикалық балалар байқауы.
Жоғары деңгейде өтетін байқау бұл жолы Алматы қаласының Grand Park сауда орталығында өтті. Сарайымыздың дарынды балалары әуезді әндерін шырқап, сахнаның сәнін келтірді. Олар нағыз жұлдызды бәсекеде бақ сынап, көрерменнің ыстық қошеметіне иеленді.
Сайыстың жеңімпаздарын анықтайтын тебіреніске толы сәтінде біздің сарайымыздың «Шабыт» эстрадалық вокалы балалар бірлестігінің оқушылары Тұрдалы Дастан мен Мәди Нұрболатұлы Гран-при иегері атанып, Түркияда өтетін халықаралық конкурсқа 100% ТЕГІН ЖОЛДАМА алды. Сонымен қатар, барша қатысқан оқушыларымыз жүлделі орындарға иеленіп, алғыс хаттармен мараппатталды.
Біздің жас әртістеріміз армандарының орындалатынын және әрқайсымыздың ішімізде жарқырап тұрған жұлдызымыздың бар екен дәлелдеді. Grand Park сауда орталығының сахнасындағы осы сәт олардың жарқын жұлдызды сапарының басы ғана болсын! Жүлделі орындарын құтты болсын, жұлдыздар!
31-қазан күні Оқушылар сарайының Экология және биология бөлімінің мәжіліс залында «2023 жыл құсы – КӨК ҚҰС» қалалық сурет байқауының және ерекше білім беруді қажет ететін балалар арасында өткен «Табиғат сыйы» табиғи материалдардан жасалған қолөнер қалалық шығармашылық байқауының жеңімпаздарын марапаттау рәсімі өтті.
Жеңімпаздар арнайы дипломдармен марапатталып, ұстаздары қалалық Білім Берудегі Жаңа Технологиялардың ғылыми-әдістемелік орталығының құрмет грамоталарымен марапатталды. Сондай-ақ, шараға қатысушы барша қатысушыларға арнайы алғыс хаттар табысталды.
Табиғатпен үндесіп, құстар әлемін қорғауды үйренген жас достарымыз бұл шарадан үлкен әсер алды.
